Istras azars

istrasIstras azars atsarūn Latgolas augstīnē, 145 m vērs jyuras leimeņa, Istras pogostā. Lelōkais nu 3 Vacslobodas azarim. Krosti sleipi, vokorūs un zīmeļūs – zami, vītām pōrpūrōti. Zīmeļūs ītak upeite nu Audzeļu azara, dīnvydvokorūs – Zeiļovas ryučs. Austrumūs nūtaka caur Dziļazaru uz Istru. Leičainō azara daļā 2 dzelmes (>5 m), sēkli. Zīmeļu daļā botanisks līgums Istras azara solas. Eitrofs azars; aizaugums ~20%. Azars ar solom un apleicīnes ainovu ir kompleksais dobas līgums. Uz zīmeļreitim – Vacslobodas cīms, vokorūs – Istras cīms.

Plateiba 1,55 km2 , kūpā ar solom 1,64 km2

Garums 2,4 km, lelōkais plotums 1,3 km.

Videjais dziļums 3,1 m, lelōkais dziļums 5,5 m.

Baseins 108,6 km2 (Veļikajas baseinā).

 

Istras azara solas – botaniskais līgums. Azarā 4 solas: Panu (plateiba 8,2 ha, 2 m), Pabārzu (0,54 ha, 2 m), Līpu (0,11 ha, 1 m) un Mozō sala (0,001 ha, 0,3 m). Valsts aizsargōjamas; Panu sola nu 1925. g. – dobas pīmineklis, vysas solas nu 1977. g. – līgums. Panu solā aug prīžu un egļu meži, kai ari sekundari apšu meži. Pyrms 50-60 g. egļu meži tymā izcērsti, izcērtumi apauguši ap mežu, tikai vītom palykušas lauces, kurymūss izaveidōjušs bleivas ērgļpaparžu, šaurlopu ugunspuču un avīšu audzes, kas kavei meža atsajaunōšonu. Pōrejōs solōs augu sabīdreibas ir napiļneigi izaveidōjušs un cīši dinamiskas. Solōs veikta sāklaugu un paparžaugu uzskaite. Panu solā konstatētas 154 sugas, Pabārzu – 97, Līpu – 57, Mozajā solā -- 17 sugas. Panu solā jau vairōkus godu dasmytus dzeivoj zivju gārņi.

 

 

Latvijas daba. 2.sēj. – Rīga: Latvijas enciklopēdija, 1994. – 179.lpp.

http://www.ezeri.lv/db/ShowRecords?id=1947