Porkaļu azars

Porkaļu azars atsarūn Latgolas augstīnē, 157,7 m vērs jyuras leimiņa, Pyldas pogostā.

Azars ir centrālais storp Snīdzeņu azarim. Garenū azardūbi nu blokusīgultnes atdola šaura Ilžas un Kivdolicas yudinsšķirtne. Krosti izrūbōti, stōvi voi lāzoni, golūs zami. Azarā 2 solas. Zīmeļu daļā un dīnvydvokoru golā dziļums 6,5 m, vydsdaļā lāzons pacālums. Dybyns smiļšains, vītom grants un ūļi. Nu šaura leiča zīmeļūs iztak Porkaļu upeite uz Ilžu (Pyldu). Eitrofs, videji aizaudzis azars. Dzeivoj plauži, leidakas, asari, raudas.

Plateiba 48,5 ha, kūpā ar solom 49,1 ha.

Garums 1,8 km, lelōkais plotums 0,4 km.

Videjais dziļums 3,5 m, lelōkais dziļums 6,5 m.

Baseins 22 km2 (Veļikajas baseinā).

 

Latvijas daba. 4.sēj. – Rīga: Latvijas enciklopēdija, 1997. – 170.lpp.

http://www.ezeri.lv/db/ShowRecords?id=2177