Zurzu azari

Zurzu.lielZurzu azari – azaru pōrs Latgolas augstīnes Rāznavas paugurainē, 138,8 m vērs jyuras leimiņa, Nukšu pogostā. Azars atsarūn vīnā grupā ar Pyldas azaru un kūpā ar tū veidoj kompleksū dobas līgumu.

Azaru kūpejais sateces baseins 72,1 km2 . Krosti stōvi voi sleipi. Azaru dybyns viļņōts, smiļšains. Lelajā Zurzu azarā ir 2 solas – Ļubonu (Libānu) sola (plateiba 1,3 ha) un Gorbu sola (0,1 ha). Mozō Zurzu azara krostu izrūboj pussolas un leiči. Azaram ir caurplyudes azari. Lelajā Zurzu azarā nu dīnvydreitim ītak Leidyukšņa; iztak Buļļupe uz azaru grupas vydā asūšū Mozū Zurzu azaru (par tū jū sauc ari par Vydsazaru voi Videjū azaru), nu tō sovukōrt iztak Sovanu upeite uz Pyldas azaru. Eitrofi azari, aizaugums nalels.

          Lelais Zurzu azars:

Plateiba 77,2 ha (kūpā ar solom 78,6 ha).

Garums 1,8 km, lelōkais plotums 0,8 km.

Videjais dziļums 5,0 m, lelōkais dziļums 16,9 m.

          Mozais Zurzu azars:

Plateiba 55,8 ha.

Garums 1,1 km, lelōkais plotums 1,0 km.

Videjais dziļums 3,5 m, lelōkais dziļums 7,2 m.

 

Latvijas daba. 6.sēj. – Rīga: Latvijas enciklopēdija, 1998. – 154.lpp.

http://www.ezeri.lv/db/ShowRecords?id=2370

http://www.ezeri.lv/db/ShowRecords?id=2371