Reitupe

Reitupe (Ūdrāja, Krīvejas Utroja) – Veļikas pītaka. Upe iztak nu Meirānu azara Rēzeknes rajonā, pi Bērzgales. Augštece Burzovas paugurainē. Zylupes leidzonumā un Abrenes nūlaidenumā. Krīvejā upe tak pa Veļikajas (Mudavas) zamīni uz zīmeļim. Ītak Veļikajā nu kreisō krosta ~10 km lejpus Ostrovas. Lelōkō pītaka lejtecē – Lža (tōs augštece Latvijā – Ludza). Upei lelōkōs pītakas Latvijā (lobō): Strauja (24 km), Zyblas ryucs. Lejpus Abrenes upē ītak Lada (Ladupe). Upe ir stypri leikumaina, ar plašom palīnem un daudzom vacupem; vītom regulēta. Stypri aizauguse, golvanūkōrt ar meldrim un gleivenem. Daudz parostū upes zyvu. Yudiņskrytumam izmontojama nu Styglovas (Mērdzines pog.). Upei tyvumā ir Sanktpīterburgas – Varšavas dzeļzceļa linija un autoceļš, kas tū vairōkas reizes škārsoj.

Garums 176 km (Latvijā 56 km).

Baseins >3012 km2 (Latvijā 1453 km2).

Goda nūtece 0,06 km2 (Latvijā 0,123 km2).

Krytums Latvijā 49 m (0,74 m/km).

Latvijas daba. 5.sēj. – Rīga: Latvijas enciklopēdija, 1998. – 7.lpp.

http://www.vertikalex.lv/laivas/upes/velikaja/ritupe.htm