Zylupe

Zilupe.upeZylupe (Krīvejā Siņaja) – Veļikajas kreisō pītaka. Upe sōcās Boltkrīvejā, pūrā uz vokorim nu Osvejas azara. 12 km garā pūsmā Zylupe ir Latvijas - Boltkrīvejas un Latvijas - Krīvejas rūbežupe, tōļōk 59 km tak pa Latvijas teritoriju, tod 9 km garumā ir Latvijas un Krīvejas rūbežupe un lejpus Rūbežas ītakas īplyust Krīvejas teritorijā.

Zylupe tak pa Zylupes leidzonumu, tōs kreisō krosta pītaku baseins atsarūn Dagdas un Rāznovas paugurainē. Upes baseinā ir daudz azaru. Izjemūt nalelu pūsmu lejpus Plusonas pītakas, kur upe ir izteiktā īlejā, tei tak pa leidzonu, pōrpūrōtu apvydu. Augšpus Pasines upe tak pa Mudovkas pūra molu. Pi Zylupes upē īreikōta yudiņskrōtuve.

Lelōkōs pītakas Latvijā: kreisōs -- Plusona (27 km), Podupe (7 km), Verbovka (7 km), Istra (39 km), Pudupe (13 km), Jučevas ryucs (12 km), Kurjanka (11 km), Rūbeža (11 km); lobōs – Studenka, Pernovka (11 km).

Zylupi škārsoj Reigas – Moskovas dzeļzceļa linija, lejpus Zylupes – Reigas – Moskovas autoceļš.

 Garums Latvijā 80 km.

Baseins Latvijā 769 km2

Goda nūtece nu Latvijas teritorijas 0,16 km2

Krytums Latvijā 30 m (0,4 m/km).

 

Latvijas daba. 6.sēj. – Rīga: Latvijas enciklopēdija, 1998. – 144.lpp.