Nērzas pogosts

nirzas1 1Nērzas pogosts atsarūn rajona vydsdaļā, rūbežojās ar Ļaudaru, Rundānu, Pyldas, Isnaudas, Brigu pogostu un Zylupes nūvodu, aizjem 9211 hektaru. Tū škārsoj 1. škiras autoceļš Ludza-Ļaudari-Vacsloboda-Šķaune, 2. škiras autoceļi Ploski-Nērza, Sprikutova-Raipole-Nērza, Raipole-Rundāni un Nērza-Pīkova-Tridņa. Pa rūbežu ar Brigu pogostu īt starptautiskōs nūzeimes dzeļzceļa linija Reiga-Moskova ar Nērzas staciju.

 Pogosts atsarūn Latgoles augstīnes dīnvydreitu molā-Rāznavas paugurainē. Augstōkī pauguri-Mežamatveju kolns un Bunča kolns. Pogosta azari -- Nērzas, Spōrna, Vōrslovas. Upes -- Dyukšupeite, Leidyukšņa, Ļadiņa un Kuharenku ryucs. 28% pogosta teritorijas aizjem meži; lelōkais -- Ļadiņas mežs.

Administrativais centrs -- Nērza. Pogostā vēļ ir šaidas apdzeivōtas vītas: Andri, Auneja, Bambāni, Bogomoli, Dauguļi, Dinaburski, Dirvani, Dyukši, Guļāni, Hmeniki, Horoševa, Juraši, Kabiloviči, Kalaši, Kaškuļova, Komova, Kušneri, Līdekšņa, Lelī Žurili, Lūropi, Ļadiņa, Makleri, Marlina, Mozī Žurili, Mežamatveji, Mōrteņi, Nērzas stacija, Noviki, Pereļi, Pristavki, Puncuļi, Raibakozi, Raipole, Rimši, Romuši, Rundanki, Sauļi, Seiļi, Seiksti, Sjaksti, Skobuļi, Timuļi, Tratari, Varšava, Vondi, Vonogi, Vurpuļi, Zahari.

ezerzemes 1Nērzas pogosta teritorijā bejuse Muržinovas muiža (53 ha), kas agrarōs reformas laikā sadaleita četrōs vīneibōs. 1840. godā sasacēle Muržinovas un tuvejōs Janovoles muižas zemnīki, cara kraspāks nūgalynōja vairōk nakai 20 sasaceļšonas daleibnīku.

Padūmju varas godūs nu vairōkim seikim kolhozim izaveidōja Nērzas padūmju saimnīceibu. 90. godūs tū pōrveidōja par paju sabīdreibu, kas pastōvēšonu jau beiguse.

Vaļsts nūzeimes arheoloģiskī pīminekļi: Spōrna seņkopi (Kopu kolns), Nērzas seņkopi un Dyukšu piļskolns (Zalta kolns). Vaļsts nūzeimes mōkslas pīmineklis -- oltors un glezna Raipoles katōļu bazneicā. Nērzā atsarūn Latvijas Breiveibas ceiņōs krytušū karaveiru kopi, 2. pasauļa karā nūgalynōtū židu masu kopi un sorkonarmīšu brōļu kopi.

 

Latvijas pagasti. 2.sēj.-R.: Preses nams, 2002.-119.-121.lpp.

Trojanovskis Viktors. Ludzas zeme.-Ludza: Ludzas rajona padome,2004.-206.-215.lpp.

 Plašāk Ludzas pilsētas bibliotēkas datu bāzēs